Hindi ka ba nagtataka, minsan, kung bakit walang kasiguraduhan ang buhay?
At tulad kung minsan sa pagtingin mo sa langit,
hindi mo malaman kung ano bang magiging panahon sa araw na 'to.
Hindi malaman kung dapat bang magdala ng payong o hindi.
Pero, sa kung ano man ang magiging desisyon mo, kailangan panindigan ito.
Iba-iba man ang takbo ng buhay ng bawat isa sa atin,
iisa pa rin ang daan na tinatahak natin.
Marami man ang paliku-likong daan,
may isang kanto pa rin kung saan magtutumpok ang mga tao.
Wala man pansinan at kanya-kanya ang pupuntahan,
darating ang araw na isa sa mga ito ay makakasalamuha mo.
Maliit lang ang mundo,
at lalong mas maliit ang kalsada.
Dito, makakahanap ka ng kasabay sa pupuntahan mo.
Hindi man kayo nagkikibuan.
Ang mahalaga, alam mong hindi ka nag-iisa.
Walang komento:
Mag-post ng isang Komento